Америка Құрама Штаттары «Солтүстік Кореямен байланысы бар» деген күдікпен Ресей, Қазақстан және Словакия компанияларына қарсы санкция салу жөнінде шешім қабылдады. Бұл ақпаратты АҚШ-тың Қаржы министрлігі таратты, деп хабарлайды “Адырна” ұлттық порталы.
Кәсіпорын Астанада тіркелген. Компания қазір жұмыс істемейді. ҚР Қаржы министрлігінің ақпараты бойынша, компанияның қызметі 2021 жылдың 14 ақпанынан бастап тоқтатылған.
ҚР Индустрия және инфрақұрылымдық даму министрлігінің мәліметтеріне сәйкес, аталған кәсіпорынға ерекше тауарларды өткізуге лицензия, рұқсат берілмеген.
Біз компанияның санкциялар тізіміне енгізілуін Қазақстанның резиденті болып табылмайтын – оның иесі Ашот Мкртычевтің АҚШ санкциясында болуымен байланыстырамыз. Компанияның санкциялар тізіміне енгізілуі техникалық сипаттағы жәйт, - деп хабарлады Ұлттық экономика министрлігінің баспасөз қызметі.
Компания иесі 2020 жылдың 7 наурызда Қазақстаннан кетіп қалған. Одан кейін елге келмеген.
«Defence Engineering» компаниясынан бөлек, оның басқа юрисдикцияларда тіркелген екі компаниясы да санкцияға іліккен.
