"Қазақстан" шахтасында бесінші кеншінің денесі табылды. Бұл туралы Қарағанды қаласы әкімдігі мәлімдеді және қаза тапқан кеншілердің аты-жөнін жариялады, деп хабарлайды “Адырна” ұлттық порталы.
Қаза тапқандардың тізімі:
1. Стешин Денис Геннадьевич, 1978 жылы туған, 4-разрядты жерасты үңгушісі, еңбек өтілі 21 жыл;
2. Халиков Артур Ринатович, 1994 жылы туған, 4-разрядты жерасты электршебері, еңбек өтілі 10 жыл;
3. Бургун Виктор Сергеевич, 1966 жылы туған, 5-разрядты жерасты электршебері, еңбек өтілі 39 жыл;
4. Слюньков Виталий Владимирович, 1965 жылы туған, 5-разрядты жерасты электршебері, еңбек өтілі 39 жыл;
5. Старовойт Илья Александрович, 1996 жылы туған, 3-разрядты жерасты электршебері, еңбек өтілі 4 жыл.
"17 тамызда Көмір департаментінің "Қазақстан" шахтасында өрт болып, салдарынан 5 әріптесіміздің қаза тапқанын қайғыра хабарлаймыз", - делінген "АрселорМиттал Теміртау" АҚ-ның сайтында.
Еске салайық, "Қазақстан" шахтасындағы оқиға 17 тамыз күні таңертең болды. Өрт конвейер лентасынан шыққан. Өрт кезінде беттерде 227 адам болған. Кейін 222 адам жер бетіне шығарылды.
