Жылда ІТ мамандардың басын қосып, жиын өткізетін Kolesa Group компаниясы мемлекеттік тілде мәтін әзірлемегені үшін дауға қалып отыр, деп хабарлайды “Адырна” тілшісі Dalanews.kz.
Әлеуметтік желіде аталған компаниядағы отырыстың тек ресми тілде өткені белгілі болып отыр.
Yerzjan J-n есімді қолданушы Kolesa Conf-ты ұйымдастырушыларға осыған қатысты ескерту жасаған. Азамат екі арадағы диалогты желіге жариялаған да болып шықты.
Оның айтуынша, конференцияның сайты түгелдей орысша, шараға жауаптылар анонстің өзін тек ресми тілде әзірлеген.
Ол қазақ тілінде ақпарат сұратқан. Ұйымдастырушылар: “Kolesa Conf орыс тілінде өтеді, елдегі ІТ-аудиторияның 90 пайызы орыстілді” деп жауап қатқан. Кейіннен “қолайсыз сұрақтар” қойған қолданушыны блоктап тастаған. Kolesa Group мұны “компанияға кибершабуыл жасалды” деп түсіндірген.
“ІТ салада қазақтілді мамандарды бөліп-жару ақылға сия ма? Оларды өз тілінде пікір білдіруге мүмкіндік беретін алаңнан аластатып отыр. Kolesa-ның операторлары менің жанайқайыма құлақ аспай, кеудемнен кері итеруге тырысты. Олар Мухоряповтың қателігінен сабақ алмапты.
