Елімізде мәслихат депутаттарының қос азаматтық фактілері анықталды. Бұл туралы Сенат спикері Мәулен Әшімбаев айтты, деп хабарлайды «Адырна» тілшісі.
«2022 жылы қос азаматтықтың 841 фактісі анықталды. Ал биыл қаңтар-қазан аралығында 525 қос азаматтығы бар тұлға белгілі болды. Қос азаматтығы барлардың арасында жергілікті өкілді органдардың депутаттары да болған жағдайлар бар. Мұндай заң бұзушылықтармен күресу керек»,—деді ол.
Айта кетейік, елімізде қос азаматтыққа заң бойынша тыйым салынған. Өзге елдің азаматтығын қабылдаған және оны жасырған жандар Қазақстан азаматтығынан айырылады.
