Алматыда қоғамдық автобус бағдаршам мен газ құбырына соғылып, жаяу жүргіншіні қағып кетті. Бұл туралы krispnews.kz жариялады, деп хабарлайды “Адырна” ұлттық порталы.
Желіде тараған бейнежазбадан №100 жолаушылар автобусы жолдың шетіне шығып кеткенін көруге болады.
Алматы қалалық Полиция департаментінің мәліметінше, жол-көлік оқиғасы 23 қазан күні түскі сағат 12:00 шамасында Медеу ауданында болған.
"Foton" автобусының жүргізуші Халиуллин көшесімен батыс бағытта келе жатып Тәттібеков көшесінің қиылысында рульге ие бола алмай, жол жиегіне шығып бағдаршам мен газ құбырына соғылды, - деп хабарлады департамент.
Жол апаты салдарынан 59 жастағы жаяу жүргінші зардап шекті. Ол ауруханаға жеткізілді.