Мемлекет басшысы Қасым-Жомарт Тоқаев Республика күніне арналған мемлекеттік туды көтеру рәсіміне қатысты, - деп хабарлайды "Адырна" тілшісі мемлекет басшысының баспасөз қызметіне сілтеме жасап.
Оқиға Ақорда резиденциясының алдында өтті.
Қасым-Жомарт Тоқаевқа Құрмет қарауылының бастығы рапорт берді. Содан кейін Президенттің бұйрығымен Мемлекеттік ту көтеріліп, еліміздің Әнұраны орындалды.
Салтанатты шара ұлттық мереке – Республика күнін мерекелеудің ресми бастауын берді. Мемлекеттік туды көтеру рәсімі Қазақстанның барлық аймақтарында өтеді.
