Костенко атындағы шахтада орын алған апаттан құтқаруға жұмылдырылған тау-құтқарушылары жағдай туралы тың дерекпен бөлісті, деп жазады "Адырна" порталы. Бұл туралы msu.city инста-парақшасы жариялады.
Құтқарушылар шахтада негізгі өрт сөндіру құралдары болмағандықтан суды ұзақ іздегендерін айтты.
Куәгерлердің айтуынша, құтқару жұмыстарын үйлестіруді Қарағанды облысының әкімі мен Төтенше жағдайлар министрі қамтамасыз етуі тиіс еді. Олар өз жұмысының маңыздылығын түсінбей тұрғанда, жеке қолға ауыстырылған құтқару қызметінің тағайындалған басшысы қайдан ұқсын дейді жиналғандар.
Құтқарушылар басшылық оларға адам ретінде қарамайтынын, бірдеңе болып қалса, еш қиындықсыз орнын жабатындарын айтады, шахтадағы апатты жою кезінде құтқарушылар дайындықсыз құтқарудан алатын күйзелістерімен қоса, үнемі моральдық қысымға ұшырайтындарын жеткізді.
"Құтқару жұмыстарына бұйрық келген соң, зерртеу барысында өрт ошағын анықтадық. Өрт сөндіретін негізгі құралдар болмады. Апатты аймаққа барғанымызда су жоқ болды. Жарты сағат бойы су іздедік. Бұл бірінші рет болып тұрған жағдай емес. Бүкіл мәселе бақылауда болмағандықтың кесірінен болып отыр. Егер өрт шыққан аймаққа 2-3 сағат кеш жеткенімізде, жағдай мүлдем үлкен катастрофаға әкеп соғар еді" деді тау-құтқарушыларының бірі.
Шамамен бір жалақыға жұмыс істейтін тау-кен құтқарушыларына қауіпті жұмыс үшін жалақы төленбейді.
"АМТ шахталарында әрдайым көптеген апаттық бұзушылықтар болды, ең жақсы дегенде 10 өрт сөндіргіштің 2-і жұмыс істеп тұрады, ал басшылық хаттамаларда жазылған ескертулерді жасырып, тек ресми ескертулер жазуды бұйырады, өйткені бұрынғы мемлекеттік тау-кен құтқару қызметі қазір жеке қолға берілді. Егер менеджерде барлық ескертулер болса, онда шахта олармен келісімшартты бұзуы мүмкін. Сол себепті шынайы заңсыздық жасырын қалып жатады" дейді Григорий есімді құтқарущы.
Тау-кен құтқарушылары шахтада қаза тапқан марқұмдар үшін шынайы қайғыра көңіл айтты. Құтқарушылар құтқару үшін жасалмаған жағдайға қатты налитындарын жеткізді.
Еске сала кетейік, 2023 жылдың 28 қазанында Қарағанды облысындағы шахтада 46 кеншінің өмірін қиған қайғылы оқиға қазақстандықтарды есеңгіретіп тастады. Костенко шахтасындағы апат тәуелсіз Қазақстан тарихындағы өндірісте болған ең ірі апат ретінде аталды.
Посмотреть эту публикацию в Instagram
