ҚР Премьер-Министрі Әлихан Смайылов «АрселорМиттал Теміртау» компаниясына жеке инвестор тарту қажеттігін мәлімдеді, деп хабарлайды "Адырна" ұлттық порталы.
«Біз жеке инвесторды тартуымыз керек, ол 3 миллиард доллар инвестициялауы керек, ал 1,3 миллиард доллар дереу салынуы керек. Жағдай шұғыл шешімді талап етеді. Алдағы үш жылда кем дегенде 3 миллиард доллар инвестициялану қажет. Мұндай инвестицияларсыз кәсіпорын қалыпты дами алмайды. Инвестор Қазақстаннан болады деп жоспарлап отырмыз», - деді Әлихан Смайылов сәрсенбі күні Мәжіліс отырысынан кейін.
Естеріңізге сала кетейік, 28 қазанда Костенко шахтасының ұзын қабырғасында метан газы жарылған еді. Соққы толқынының таралу диапазоны 2 км-ден астам болды. Қарағанды облысында қаза тапқан 46 кеншінің барлығының денесі табылды. "Адырна" қаза тапқан кеншілердің толық тізімін жариялады.
29 қазан жалпыұлттық аза тұту күні болып жарияланды. Бүкіл елде мемлекеттік ту түсіріліп, барлық ойын-сауықтар тоқтатылды.