Қазақстан Республикасының Президенті Қ. Тоқаевтың «Қазақстан мен Ресей арасындағы ынтымақтастықтың тарихы бай және болашағы жарқын» атты сұхбатына қатысты, деп жазады "Адырна" порталы.
Сұхбат барысында президент саяси ахуалдарға баға беріп, ынтымақтастық, серіктестік тұрғысынан өткен шаққа және келешекке көз жүгіртті.
"Біздің Ресей Президентімен Астанада өтетін алдағы кездесуіміздің күн тәртібі дәстүрлі түрде өте ауқымды тақырыпта болмақ. Біз екіжақты саяси, сауда-экономикалық және мәдени-гуманитарлық ынтымақтастық мәселелерін жан-жақты талқылауды жоспарлап отырмыз. Халықаралық ұйымдар мен интеграциялық құрылымдар аясындағы өзара әрекеттесу аспектілерін қарастырайық. Қазақстан-Ресей диалогының маңызды белгілері сындарлылық және өзара қолайлы нәтижеге бағдарлану болып табылады. Біз әрқашан ресейлік әріптестеріміздің ұстанымын ескеруге тырысамыз, ал олар біздің пікірімізді ескеруге тырысады" деді Тоқаев ресейлік журналист сауалына.
"Біздің ойымызша, қазіргідей күрделі геосаяси және геоэкономикалық жағдайда сенімге, өзара тиімді мүддеге, теңдікке арқа сүйейтін, мәдениеттердің әралуандығына құрметпен қарайтын және қатар дамуға ұмтылатын «Шанхай рухының» мызғымас іргетасын нығайтуға басымдық беру керек.
Бұл ретте Қазақстан үшін ШЫҰ-ға төрағалық ету – зор мәртебе әрі үлкен жауапкершілік. ШЫҰ төрағасы ретінде біз ұйымдағы өзара ықпалдастықты бұдан да жоғары деңгейге көтеруді, оның жұмысының тиімділігін одан әрі арттыруды басты мақсат етіп қойдық.
Осыған орай өңірлік қауіпсіздік пен тұрақтылықты қамтамасыз ету, көпжақты ынтымақтастықтың сауда-инвестициялық және мәдени-гуманитарлық мазмұнын байыту Қазақстан төрағалығының басымдықтары ретінде жарияланды.
Шанхай ынтымақтастық ұйымын одан әрі дамытудың көптеген өзекті мәселелері мен перспективаларына қатысты елдеріміздің ұстанымдары сәйкес келеді. Бұл – екіжақты серіктестіктің нәтижелі екенін білдіретін маңызды көрсеткіш" деді сұхбатта президент.
