ҚР Парламенті Мәжілісінде ҚР еңбек сіңірген жаттықтырушысы, депутат Дәулет Тұрлыханов елдегі тұрмыстық зорлық-зомбылық туралы қойылған журналистің сұрағына ашумен жауап берді, деп хабарлайды "Адырна" порталы.
Кадр сыртындағы тілші Тұрлыхановтан қазақстандық ер-азаматтардың әйелдерін ұрып соғуға, әкелерінен алған тәрбиесі әсер ете ме, деп сұрады. Сұрақтан кейін депутат ашуға бой алдырды:
«Ал сіз өзіңіз осыған келісесіз бе? Сіз келісесіз бе? Қандай ақымақ сұрақ?» – деп бастады сөзін Тұрлыханов.
«Иә, мен бұл мәлімдемемен келісемін», - деп жауап берді журналист.
«Жарайсың, жарайсың. Қандай сұрақтар мынау? Енді мұндай сұрақтармен маған келмеңіздер", деді ол агрессивті түрде.
Журналист Тұрлыхановқа оның мұндай агрессивті мінез-құлқының себебін түсінбейтінін, өйткені әңгіме еліміздегі күрделі мәселе – тұрмыстық зорлық-зомбылық туралы екенін айтты.
Депутат бұл сұраққа жауап бермеді, тек «енді оған жақындамауды» өтінді. Одан әрі Тұрлыханов оған ақымақ сұрақтар қойып жатқанын тағы да агрессивті түрде айтты.
Естеріңізде болса, Тұрлыхановтың ұлы бірнеше айдан бері жанжалдың ортасында жүр. Барлығы осы жылдың ақпан айында басталған. Алматыда Нұрасыл Болат алматылық заңгер-ерлі-зайыптылар Анна Димитриевич пен Олег Черновқа шабуыл жасады. Оқиға қаладағы мекемелердің бірінде жас жігіт өзінің құрбысын адвокаттардың көзінше ұрғаннан кейін орын алған. Адвокаттар жәбірленушіні жақтап, төбелеске өздері де қатысты.
Посмотреть эту публикацию в Instagram
