Ұлттық қауіпсіздік комитеті экстремистік топ мүшелерінің ұсталғаны туралы хабарлады, - деп жазады "Адырна" порталы ведомствоның баспасөз қызметіне сілтеме жасап.
15 қарашада Ұлттық қауіпсіздік комитеті Бас прокуратураның келісімімен сотқа дейінгі тергеп-тексеру шаралары аясында Астана, Атырау және Жезқазған қалаларында радикалды діни топ мүшелерін ұстады.
«Терроризмді насихаттады, сондай-ақ экстремистік топ құрды, оған жетекшілік етті және оның қызметіне қатысты деген күдікпен оның 12 мүшесі бір мезгілде ұсталды. Тергеушілердің айтуынша, олар Қазақстандағы зайырлы жүйені құлату мақсатын көздеген. Бұл үшін олар экстремистік идеологияны таратып, өз қатарына жаңа жақтастарды тартқан», - делінген ҰҚК баспасөз қызметінің хабарламасында.
Сотталушылардың тұрғылықты жерін тінту кезінде тыйым салынған әдебиеттер мен басқа да заттай айғақтар тәркіленді.
«Топтың бірқатар мүшелері ауыр қылмыстар, соның ішінде полиция қызметкерін өлтіру, бандитизм, тонау, ұрлық және зорлау сияқты қылмыстарды жасағаны үшін сотталған», - деп хабарлады Ұлттық қауіпсіздік комитеті.
