Petrocouncil.kz салалық басылымы QazaqGaz ұлттық компаниясы жүйесіндегі топ-менеджерлерді тінту мен ұстау туралы хабарлайды, деп жазады "Адырна".
«21 қарашада QazaqGaz жүйесіндегі топ-менеджерлерді тінту және ұстау жүзеге асты. Осылайша орталық аппарат басшысы мен еншілес компания «Қазтрансгаз-Өнімдері» ЖШС басшысы мән-жай анықталғанша қамауға алынды. Тінтулер орталық аппараттың басқа бөлімдерінде де жүргізілді», - делінген сәрсенбі күні.
Еске салайық, 2022 жылдың жазында QazaqGaz-да 1 триллионға жуық заң бұзушылық анықталды. Компанияны бұған дейін Дариға Назарбаеваның күйеуі саналатын Қайрат Шәріпбаев басқарған. Ол қаңтар оқиғасынан кейін қызметінен кетіп, экс-президент Нұрсұлтан Назарбаевтың інісі Болат Назарбаевты жерлеу рәсіміне қатысқан кезде тағы да жұртшылықтың назарына ілікті.
