#НемолчиKZ қорының президенті Дина Смайыловаға қатысты алаяқтық іс тергелуде. Қорға ақша аударған жүздеген қазақстандық полицияға жауап алуға шақырылып жатыр, деп хабарлайды «Адырна» ұлттық порталы.
Шығыс Қазақстан облысының полицейлері #НемолчиKZ қорының президенті Дина Смайыловаға қатысты алаяқтық ісін тергей бастады.
Адвокат Гүлнәр Жуаспаева Өскеменге ұшып барып, бірақ қорғауындағы азаматтың ісімен таныса алмағанын хабарлаған. Оның айтуынша, қорғаушыны іске қосу керек пе, жоқ па деген сұрақ дүйсенбіде шешіледі деп уәде етілген.
Қордың Facebook парақшасында ол бұл үшінші қылмыстық іс, онда зардап шеккендер, жәбірленушілер, өтініш берушілер және басқалар жоқ екенін айтқан. Оның айтуынша, ШҚО полициясы жеті мың қазақстандықтың арасынан зардап шеккендерді іздестіруде.
«Олар үй-үйді аралап, жұмысқа келіп, туыстарынан қорға қайырымдылық жасаған адамдарды іздейді. Менің жеке деректерім мен күйеуімнің деректерін бәріне заңсыз және негізсіз хабарлайды, бізді ешқандай растайтын құжаттарсыз алаяқтар деп атайды және адамдардан бізге қарсы мәлімдеме жазуды талап етеді, өйткені оларда жәбірленуші жоқ», — деп жазды ол.
Қазан айында БАҚ Смайылова күйеуімен Түркияға клиенттерінің біріне көмектесу үшін ұшып кеткенін жазған. Алайда қайтар жолда оны түсіндірусіз Грузияға кіргізуден бас тартты. Қазір Смайылова Еуроодақтан баспана алуға тырысуда.
Айта кетейік, #НемолчиKZ қоры 2017 жылы құрылған. Ол Қазақстанда әйелдер мен балаларға қатысты зорлық-зомбылыққа қарсы белсенді науқан жүргізеді. Қор бұл ұйымның қазақстандықтардың қайырымдылық көмегінің арқасында жұмыс істеп жатқанын жасырмайды.
«Адырна» ұлттық порталы
