Семейдегі аспалы көпірде деформациялық тігістер орнында саңылаулар пайда болды, деп хабарлайды “Адырна” ұлттық порталы abainewskz Telegram-арнасына сілтеме жасап.
Бүгін семейліктерді Ертіс арқылы өтетін аспалы көпірдегі саңылау көрсетілген фотосурет үрейлендірді.
Осы жағдайда байланысты шенеуніктер арнайы мамандардың көмегіне жүгініп, тексеру жұмыстарын жүргізді.
"Полиция қызметкерлері көпірдің жай-күйіне визуалды тексеріс жүргізді. Зерттеу нәтижелері бойынша, әкімдікке деформациялық тігістерді мұздан тазарту қажеттілігі туралы бұйрық жіберілді. Деформациялық тігістердің кеңеюінің себебі ауа температурасының төмендеуі болды",
- деп хабарлады Абай облыстық ПД.
Бұйрықтан кейін қалалық жолаушылар көлігі және автомобиль жолдары бөлімі көпірде анықталған саңылау фактісі бойынша нақты жауап берді.
«16 ақпанда -29°С ауа температурасы кезінде ПТжҚБ бөлімінің өкілдері аспалы көпір тіректерінің компенсаторлары мен конструкцияларына визуалды тексерулер жүргізді. Нәтижесінде №1 және 60 мм тіреуіште компенсаторлардың жоталары арасындағы №10 тіреуіште шамамен 70 мм-дей саңылау бар екені анықталды. Көпір тіректерінің жағдайы қанағаттанарлық деп бағаланып, көпірдің құлау қаупі анықталған жоқ. Мамандар көпірді төмен температура кезінде тәулік бойы қадағалайды», - делінген қалалық әкімдіктің хабарламасында.
“Адырна” ұлттық порталы
