Қазақстан Украина Қарулы күштерінің қажеттілігі үшін ресейлік әскери өнімдерді сатып алу туралы келіссөздер жүргізіп жатқан жоқ. Бұл туралы Қорғаныс министрлігінің баспасөз қызметі жазды, деп хабарлайды «Адырна» тілшісі.
«Укрспецэкспортпен» келіссөздер жүргізіліп жатыр» деген ақпарат шындыққа жанаспайды. 2022 жылдан бастап Қазақстанда қару-жарақ пен әскери техниканы экспорттауға тыйым салынған. Мұндай тұспалдаулар еліміздің беделін түсіруге бағытталған»,— делінген хабарламада.
Айта кетейік, бұған дейін ресейлік БАҚ «Киев Астанамен ресейлік әскери өнімдерді сатып алу мәселесін талқылап жатыр. Қос тарап осы бағыттағы келіссөздерді бастады» деген ақпарат таратқан еді.
