Интерпол Крокус Сити Холлдағы бейбіт тұрғындарға жасалған шабуылды тергеуде Ресей билігіне қолдау көрсетуге дайын. Бұл туралы ұйымның бас хатшысы Юрген Шток мәлімдеді, деп хабарлайды “Адырна” ұлттық порталы.
Ол X әлеуметтік желісінде Крокус Сити Холлға жасалған шабуылды қатаң айыптайтынын, оны жазықсыз бейбіт тұрғындарға қарсы жасалған жантүршігерлік әрекет деп атайтынын жазды.
«Біздің ойымыз құрбандармен, олардың отбасыларымен және достарымен. Интерпол Ресей билігінің тергеуіне қолдау көрсетуге дайын», — деді ұйым басшысы.
Еске салсақ, 22 наурыз күні кешке Мәскеу түбіндегі Красногорск қаласындағы Crocus City Hall концерт залына автоматпен қаруланған белгісіз біреулер басып кіріп, оқ жаудырған болатын.
Шабуылдан 130-дан астам адам қаза тапты, деп хабарлады Ресейдің Тергеу комитеті. Зардап шеккендер саны артуы мүмкін, деп ескертті департамент. РФ Қылмыстық кодексінің 205-бабы (террорлық акт) бойынша қылмыстық іс қозғалды.
Ресейдің Төтенше жағдайлар министрлігі құрбан болған 99 адамның тізімін жариялады. Мәскеу облысының денсаулық сақтау министрлігі жариялаған тізімде 145 зардап шеккен, оның ішінде сегіз бала бар.
Алдын ала мәлімет бойынша, кем дегенде бес шабуылшы болған, оларды Ресей гвардиясы іздеп жатыр.
“Крокус Сити Холлдағы өрт іс жүзінде сөндірілді, құрылыстардың төгілуі мен үйінділерді шығару жалғасуда”, деп хабарлады Мәскеу облысының губернаторы Андрей Воробьев.
Өрт аумағы 12,9 мың м. шаршы метрді құрады. Концерт залының шатыры опырылып түсті.
