Sot Saltanat Núkenovany aıýandyqpen óltirý isi boıynsha Qýandyq Bıshimbaevtyń týys inisi, "Gastro-ortalyq" dırektory Baqytjan Baıjanovqa taǵylǵan aıyptyń birin alyp tastady, dep habarlaıdy "Adyrna" ulttyq portaly.
Sot Núkenovany aıýandyqpen óltirý isi boıynsha Baıjanovqa (Bıshimbaevtyń inisi) Qazaqstan Respýblıkasy Qylmystyq kodeksiniń 434-baby ( "Qylmys týraly habarlamaý") boıynsha taǵylǵan aıypty alyp tastady.
Aıyptaý prokýrordyń aıypty alyp tastaý týraly ótinishine baılanysty alynyp tastaldy.
Eske sala keteıik, 29 sáýir kúni bolǵan sot otyrysynda memlekettik aıyptaýshy ekinshi sottalýshy Baqytjan Baıjanovqa taǵylǵan aıyptyń bir bóliginen bas tartqanyn jazǵan bolatynbyz.
