اقمولا وبلىسىنىڭ اكىمدىگىندە «قوسشى قالاسىندا ەكوقالاشىق پەن يندۋستريالدى پارك قۇرىلىسى» جوباسىنىڭ تانىستىرىلىمى ءوتتى. جوباعا استانالىق اگلومەراتسيانى دامىتۋدىڭ 2024-2028 جىلدارعا ارنالعان كەشەندى جوسپارى ەنگىزىلگەن جانە ول ينۆەستوردىڭ قاراجاتى ەسەبىنەن ازىرلەنىپ، جۇزەگە اسىرىلاتىن بولادى. ءىس-شاراعا «Boyut ConstructionCompany»، «Omtıs»، «نۇر-ساۋلەت» جشس، «نيپي «استاناگەنپلان» جشس وكىلدەرى قاتىستى.
جوبامەن تانىسقان اقمولا وبلىسىنىڭ اكىمى مارات احمەتجانوۆ قوسشى قالاسىنىڭ استانا اگلومەراتسياسىن دامىتۋداعى ەرەكشە ءرولىن اتاپ ءوتتى.
«پرەزيدەنت قوسشى قالاسىن قازىرگى زامانعى قالالاردىڭ ءبىرى رەتىندە دامىتۋ جونىندە مىندەتتەر قويدى. سوندىقتان استانالىق وبلىستىق ماڭىزى بار قالانىڭ ەرەكشە مارتەبەسى بار»، - دەدى م.احمەتجانوۆ.
استانا اگلومەراتسياسى جەرگىلىكتى كەڭەسى حاتشىلىعىنىڭ جانە «استانا باس جوسپارى» عزجي» جشس وكىلى گۇلنار قۇسايىنوۆانىڭ ايتۋىنشا، جوبانىڭ ورنالاسقان جەرى قوسشى قالاسىنىڭ 2040 جىلعا دەيىنگى باس جوسپارىنىڭ شەشىمدەرىنە سايكەس كەلەدى، ونى «قازگيپروگراد» جشس كۇشىمەن ازىرلەنگەن جانە ومو-دا كەلىسۋ جانە بەكىتۋ راسىمىنەن وتەدى.
«جاسىل ساۋلەت» يدەياسىنىڭ ءمانى-عيماراتتار مەن قۇرىلىستاردىڭ ەلەمەنتتەرى تەك تىرەك جانە قورشاۋ قۇرىلىمدارى رەتىندە عانا ەمەس، سونىمەن قاتار كۇن-جەل ەلەكتر ستانتسياسىنىڭ ەلەمەنتتەرى بولىپ تابىلادى. عيماراتتىڭ قاڭقاسى جەل ەلەكتر ستانتسياسىنىڭ دىڭگەگى رەتىندە جۇمىس ىستەيدى، ال قورشاۋ قۇرىلىمدارىنا (توبەسى، قابىرعالارى) كۇن پانەلدەرىن ورناتىلادى»، - دەدى گۇلنار قۇسايىنوۆا.
سونىمەن قاتار، جوبانىڭ باستى ەرەكشەلىگى-شارتتى جەكە ءۇي مەن ۋچاسكەنى بارلىق ىڭعايلىلىعى بار پاتەرگە كوشىرۋ جانە ءۇي-جايلاردى زاماناۋي تەحنولوگيالار ارقىلى جەكە ۋچاسكەگە بەيىمدەۋ. مىسالى، جىلىجايلار، تامشىلاتىپ سۋارۋ، كۇن پانەلدەرى، سۇيىق كوگالدار، كونتەينەرلەردەگى اعاشتار، شىعارماشىلىق لاندشافت ديزاينى.
ءار ءتۇرلى مىندەتتەر ءۇشىن 4-تەن 20 قاباتقا دەيىنگى تۇرعىن ءۇي كەشەندەرىنىڭ ءار ءتۇرلى بيىكتىگى قاراستىرىلعان. بيىكتىك پانورامانىڭ سۇلۋلىعىمەن جانە جاقسى ينسولياتسيامەن ارتىقشىلىق بولادى.
تۇرعىن ءۇي كەشەندەرى جاياۋ جۇرگىنشىلەرگە ارنالعان جابىق گالەرەيامەن بىرىكتىرىلىپ، ونىڭ بويىندا ساۋدا، قوعامدىق-ىسكەرلىك، سپورتتىق-ساۋىقتىرۋ جانە ويىن-ساۋىق نىساندارى ورنالاسقان.
كەزدەسۋ سوڭىندا اقمولا وبلىسىنىڭ اكىمدىگى مەن «قوسشى قالاسىنداعى ەكوقالاشىق جانە يندۋستريالدى پارك» جوباسىنىڭ ينۆەستورلارى اراسىندا ىنتىماقتاستىق تۋرالى مەموراندۋمعا قول قويىلدى.
