باتىس قازاقستان وبلىسىنىڭ اكىمى ناريمان تورەعاليەۆ وبلىستىق قۇرىلىس باسقارماسى مەن اۋدان اكىمدەرىنە سۋ تاسقىنىنان زارداپ شەككەن تۇرعىندارعا سالىناتىن ۇيلەردىڭ قۇرىلىسىن جەدەلدەتۋدى تاپسىردى.
«زارداپ شەككەن تۇرعىندارعا سالىناتىن تۇرعىن ۇيلەردى ۋاقىتىندا اياقتاۋ جونىندەگى مەملەكەت باسشىسىنىڭ ءتيىستى تاپسىرماسى بار. سوندىقتان قۇرىلىس جۇمىستارىن جەدەلدەتۋ قاجەت. سىرىم، ءبورلى، قاراتوبە، تەرەكتى اۋداندارىندا قۇرىلىس جۇمىستارى باستالدى. قۇرىلىس باسقارماسى مەن اۋدانداردىڭ اكىمدەرىنە بارلىق جۇمىستاردى ۋاقىتىلى اياقتاپ، تۇرعىن ۇيلەردىڭ ساپاسىنا باسا نازار اۋدارۋدى تاپسىرامىن»- دەپ اتاپ ءوتتى وبلىس اكىمى.
اۋدانداردا قۇرىلعان ارنايى كوميسسيالار سۋ تاسقىنى شىعىندارىن انىقتاۋ بويىنشا قاجەتتى جۇمىستاردى جۇرگىزۋدە.
قازىرگى ۋاقىتتا جاڭا تۇرعىن ۇيلەر سالۋ ءۇشىن جەر ۋچاسكەلەرى بەلگىلەندى. مەردىگەر كومپانيالار انىقتالىپ، قۇرىلىس جۇمىستارى باستالدى.
قۇرىلىس جۇمىستارىن باقىلاۋ وبلىس اكىمىنىڭ تاپسىرماسىنا سايكەس، سالاعا جاۋاپتى ورىنباسارىنا تاپسىرىلدى.
بقو اكىمدىگىنىڭ ءباسپاسوز قىزمەتى
