Франция астанасы Париж қаласында өтіп жатқан Олимпиада ойындарында грек-рим күресінен Демеу Жадыраев жартылай финалда қарсыласын ұтты, деп хабарлайды “Адырна” ұлттық порталы.
Демеу жартылай финалда әзербайжан жігіті Санан Сулеймановпен кездесіп, қарсыласынан басым түсті. Нәтжесінде қазақ балуаны қарсыласын 6:1 есебімен айқын ұтты.
Қазақ жігіті 34 жаста. Ол 2017 жылғы әлем чемпионатының күміс жүлдегері, Азия чемпионатында бірнеше мәрте жүлдегер атанған спортшы.
Енді финалдық кездесулер 7 тамызға жоспарланған.
