Орал қаласында жолаушылар автобусы өртенді, деп хабарлайды "Адырна" ұлттық порталы.
Өрт туралы БҚО ТЖД баспасөз қызметі мәлімдеді.
Қайғылы оқиға 30 тамыз күні сағат 19.26-да болған. «Омега» зауыты маңындағы көпірде жолаушылар автобусы өртенген.
«Х.Есенжанов көшесі 4-үй тұсында 3-бағытпен жүретін „Мерседес-Бенс“ автобусының мотор бөлігі өртенді. Зардап шеккендер жоқ. „Тілсіз жау“ сағат 19.42-де оқшауланып, екі минуттан кейін ауыздықталды», - делінген ТЖД хабарламасында.
