"Бос уақытымда ойнап көремін". Премьер-министр отандық ойынға қолдау көрсетуге шақырды

Премьер-министр Олжас Бектенов әріптестерін бос уақытында IT-мамандар ойлап тапқан отандық ойынды ойнауға шақырды. Бұл туралы ол Үкімет отырысында айтты, деп хабарлайды “Адырна” ұлттық порталы. Бүгін Үкімет отырысында IT саласының мамандары GTA-ға ұқсас отандық ойынды таныстырды. Олардың айтуынша, ойынды App Store-дан жүктеп алуға болады. Премьер-министр Олжас Бектенов бос уақытында ойынды ойнап көретінін айтты. «Жүктеп аламын, бос уақытымда ойнап көремін. Егер ойын ойнасақ, отандық ойынды таңдайық. Мен барлығын осыған үндеймін. Білемін, біздің жас әріптестеріміз де ойнайды», - деген ол цифрлық даму, инновациялар және аэроғарыш өнеркәсібі министріне отандық компанияларды қолдауды тапсырды.