4 ай ішінде Арал теңізіне 1 млрд текше метр су жіберілді. Бұл туралы бүгін, 10 ақпанда Су ресурстары және ирригация министрлігі айтты, деп хабарлайды «Адырна» тілшісі.
Ресми дерекке сүйенсек, 2024 жылғы қазаннан биылғы қаңтарға дейін Солтүстік Арал теңізіне 1 миллиард текше метр су жіберілген.
«2025 жылдың соңына қарай теңіздегі су көлемі 23,4 млрд текше метрге дейін жетеді деп күтілуде. Қызылорда облысының күріш алқаптарын лазерлік жоспарлаушымен тегістеу және су үнемдеу технологияларын пайдалану шамамен 200 млн текше метр су үнемдеп, оны Солтүстік Аралға жіберуге мүмкіндік берді. Үлкен Арал теңізінің тартылған аумағын қалпына келтіру үшін 4,4 млн көшет отырғызылды»,—делінген хабарламада.
2025 жылдың соңына қарай Арал теңізі табанын көгалдандырудың жалпы көлемі 1,1 млн гектарға жетуі тиіс.
