Петропавлда мектеп оқушылары мен студенттердің ашық, порно суреттері Telegram арнасында жарияланған, деп хабарлайды "Адырна" ұлттық порталы Массагетке сілтеп.
Мессенджер арқылы 10 мыңға жуық жазылушысы бар Telegram арнаның сілтемесі белсенді түрде тарала бастаған.
Бұл арнада Петропавлдағы түрлі мектеп оқушыларының аты-жөні мен олар туралы толық мәлімет пен олардың бейәдеп суреттері, ішімдік ішу, темекі шегу, заңсыз заттарды қолдану, жыныстық сипаттағы әрекеттерді қамтитын фото-видеосы жарияланған. Кейбір материалдар порнографиялық сипатта екені айтылды.
Полиция департаменті бұл оқиғаға қатысты тергеу жүргізіліп жатқанын мәлімдеді.
"Балалардың құқықтары мен абыройын қорғау үшін барлық қажетті шараларды қабылдап жатырмыз. Олардың қауіпсіздігі – біздің басты міндетіміз," – деп хабарлады департамент өкілдері.
