2024 жылғы 17 мамырда Франция астанасы Париж қаласында қазақ-қырғыз ақындарының айтысы өтеді, деп хабарлайды "Адырна" ұлттық порталы.
Бұл туралы Қырғыз Республикасы Жогорку Кенешінің отырысында депутат Мирлан Самыйкожо хабарлады.
Оның айтуынша, халықаралық деңгейде өтетін мұндай айтыс Қырғызстан тарихында алғаш рет ұйымдастырылып отыр. Іс-шара Қырғызстанның Франциядағы елшісі Садық Шер-Ниязбен бірлесіп жүзеге асырылады.
"Біз Жогорку Кенеш депутаты Шайырбек Ташиевпен және елші Садық Шер-Ниязбен бірге мәдениетімізге үлес қосу мақсатында қазақ-қырғыз айтысын өткізуді ұйғардық. Бұл – халықтардың достығы мен бірлігін дәріптейтін маңызды тарихи оқиға болады деп ойлаймын" - деді Мирлан Самыйкожо.
Айтыста қос елдің ақындары өзара өнер көрсетіп, достық пен ынтымақты жырламақ.
