Өзбекстан бокс федерациясы Eindhoven Box Cup турниріндегі қазақстандық Абылайхан Жүсіпов пен өзбекстандық Асадходжа Муйдинходжаев арасындағы финалдық жекпе-жек нәтижесіне қатысты пікір білдірді, деп хабарлайды «Адырна» тілшісі.
«70 келі салмақ дәрежесіндегі Асадходжа Муйдинходжаев пен қазақстандық Абылайхан Жүсіпов арасындағы финалдық жекпе-жек бірінші раундтан кейін қазақстандық боксшы жарақат алғандықтан жалғаспады. Тең деңгейде өткен бірінші раундтан кейін түсініксіз төрешілік шешімдердің салдарынан жекпе-жек тоқтатылды. Нәтижесінде 2:3 есебімен Абылайхан Жүсіповтің жеңісі тіркеліп, жеңіс Қазақстан боксшысына берілді»,—делінген хабарламада.
Айта кетейік, төрешілер шешімі бойынша жеңіс Абылайхан Жүсіповке беріліп, ол турнир чемпионы атанған еді.
