Каспий маңы мемлекеттерінің үкіметтері арасында Каспий теңізіндегі теңіз көлігі саласындағы ынтымақтастық туралы бесжақты келісім әзірленуде
Каспий маңы мемлекеттері басшыларының 5-ші саммиті барысында қол жеткізілген уағдаластықтарға сәйкес қол қойылған Көлік саласындағы ынтымақтастық туралы үкіметаралық келісімді іске асыру үшін тараптар Каспий теңізіндегі теңіз көлігі саласындағы ынтымақтастық туралы бесжақты келісімді әзірлеу бойынша жұмыс жүргізуде.
Келісім Каспий теңізіндегі теңіз флоты мен порттарды толық және тиімді пайдалануды қамтамасыз ету, сондай-ақ теңізде жүзу қауіпсіздігін қамтамасыз ету, теңіз ортасын қорғау, теңіз көлігі мамандарын даярлау мен біліктілігін арттыруда тәжірибе алмасу мәселелері бойынша Каспий маңы мемлекеттерінің теңіз әкімшіліктерінің өзара тиімді ынтымақтастығы мен бесжақты өзара іс-қимылын ұйымдастыруға бағытталатын болады.
ҚР ИИДМ Көлік комитетінің баспасөз қызметі
