Сағынышқа айналған сазгер, ерте кеткен әнші (Видео)

986

Осыдан 58 жыл бұрын, яғни, 1962 жылы 18 мамырда Қазақстанның және ресейлік эстрада әншісі, композитор Батырхан Қамалұлы Шүкенов дүниеге келді.

Қызылорда қаласында туған.

Құрманғазы атындағы Алматы консерваториясын бітірген. 1982 жылдан Роза Рымбаеваны сүйемелдейтін «Арай» тобына кірді. 1987 жылы «Алматы» тобын құрады. Кейіннен ол «Алматы-Студио» тобы болып қайта құрылды.

1989 жылы өзінің атақты «Джулия» деп аталатын хитын жазды. Осы жылы «А Студио» Алла Пугачеваның «Рождестволық кештер» әш кешіне қатысқаннан кейін ансамбль атағы бұрынғы Совет одағы аумағында танымал болды. Әнші 2002 жылы Қазақстанға оралып, өзінің алғашқы «Отан ана» атты жеке альбомын шығарды.

2007 жылы ҚР Президенті Нұрсұлтан Назарбаевтың мәдениет жөніндегі кеңесшісі болды. 2009 жылы ЮНИСЕФ ерікті елшісі, 2010 жылдан бастап Алматыдағы Қайырымдылық балы комитетінің құрметті мүшесі болды.

Батырхан Шүкенов 2015 жылы 53 жасқа қараған шағында Мәскеу қаласында жүрек талмасынан қайтыс болды.

Марқұм Алматыда жерленді.

 

 

Пікірлер