Қостанай облысының әкімі Архимед Мұхамбетов сақтық шараларын жасағанына қарамастан коронавирус жұқтырды. Өзінің инстаграм желісіндегі парақшасында тұрғындарға күтіну керектігін айтты.
"Құрметті қостанайлықтар! Барлық сақтық шараларын сақтағаныма қарамастан, менің COVID-19-ға тапсырған сынағым оң нәтиже (ауру белгісі анықталды - ред.) көрсетті. Осыған байланысты мен оқшаулануға кетемін және жұмысымды қашықтан жалғастырамын. Облыс тұрғындарынан барлық қауіпсіздік шараларын сақтауды сұраймын.
Тағы да жерлестерімізді аймақ аумағында енгізілетін шектеу шараларын сақтауға зор жауапкершілікпен қарауға шақырамын. Баршаңызға зор денсаулық және амандық тілеймін! Өзіңізді күтіңіз!", - деп жазды әкім.
"Адырна" ұлттық порталы
