Минск маңында жалдамалы ресейліктер ұсталды

1306

29 шілдеге қараған түні Минск маңында шетелдік жеке әскери компанияның 30-ға жуық өкілі ұсталды. Бұл туралы БелТА ресми агенттігі хабарлады. Тағы біреуі елдің оңтүстігінде ұсталды.

Агенттіктің хабарлауынша, бұл компания ЖӘК (жекеменшік әскери компания) Вагнер. Ұсталғандардың барлығы - ресейліктер (агенттік олардың аты-жөнін жариялады).

Құқық қорғау органдары бұған дейін президент сайлауы таяғанда жағдайды тұрақсыздандыру үшін Беларусьқа 200-ден астам содырдың келгені туралы ақпарат алғанын айтты (бұлардан бьасқа содырлардың бар-жоғы белгісіз). Жаңадан келгендер Минскідегі қонақ үйлердің біріне қоныстанған, содан кейін Минск аумағындағы санаторийге көшкен.

«Санаторий әкімшілігінің айтуынша, жаңадан келгендердің мінезі мен өзін-өзі ұстауы ресейлік туристерге ұқсамайтын және әскери үлгідегі киімдері бірден назар аудартты. Олар алкоголь ді ішімдік, ойын-сауық мекемелеріне бармады, өздерін бөлек ұстады, өздеріне назар аудартпауға тырысты. Олар санаторийдің аумағы мен айналасын мұқият зерттеген», - делінген агентттік хабарламасында.

ЖӘК Вагнер - бұл Сирия мен Украинадағы әскери қақтығыстарға қатысқан ресми емес қарулы құрылым. Оған қарсы АҚШ санкциялар салған.

Әзірге Беларусьтың күштік құрылымдары, сондай-ақ Ресей билігі тарапынан ресми пікірлер болған жоқ. Sputnik хабарлағандай, республиканың Тергеу комитеті бұл ақпаратты растамады немесе жоққа шығармады.

Бұрын РБК атап өткендей, Беларусь президенті Александр Лукашенко оның сайлаудағы қарсыластары тәртіпсіздіктерді бастау үшін «командалар мен содырлар тобын» құра алады деп мәлімдеген еді.  Бұл кәсіби әскери адамдар, бандиттер, арнайы дайындықтан өткен, негізінен әлемдегі ЖӘК шеңберлерінде және белгілі бір штаттарда арандатулар ұйымдастырып, үлкен ақша табуда », - деген болатын.

Беларусьтағы президент сайлауы 9 тамызға белгіленді.

ОСК бес кандидатты тіркеді, оның ішінде қазіргі президент те бар. Екі адам тіркелмеді. Біреуі «Белгазпромбанк» АҚ бұрынғы басқарма төрағасы Виктор Бабарико болатын. Лукашенконың негізгі оппозициялық қарсыластарының бірі болып саналған Бабарикоға «табыс пен мүлік туралы декларацияға сәйкессіздік», сондай-ақ оның үгіт-насихатына шетелдік ұйым қатысқан деген айып тағылды. Билік сонымен бірге оны ақша жымқырды деп айыптап, қамауға алды, ал құқық қорғаушылар оны ар-ождан тұтқыны деп таныды.

Оппозициялық кандидаттарды тіркеуден бас тартуға қарсы наразылық Минскіде және басқа да бірқатар қалаларда өтті. Нәтижесінде полициямен қақтығыс болып, жүздеген адамдар қамауға алынды.

Оңғар Қабден, 

"Адырна" ұлттық порталы

Пікірлер
Редакция таңдауы