Әлемде қызықты оқиғалар өте көп. Бірақ, біз оларға назар аудара бермеуіміз мүмкін. Дегенмен, бір сәт қызықты таңқаларлық жайттарға да көз тоқтатып көрейік:
Егер сіз үйіңізді тезірек сатқыңыз келсе, онда сыртын сары түске бояп барып, жарнама бергеніңіз дұрыс.
Оңтүстік Африка Республикасы суық қару қолданып, адамға шабуыл жасау, тонау, зорлау жөнінен әлемде бірінші орында екен.
Пайыздық дерекке жүгінер болсақ, әлемнің басқа елдерімен салыстырмалы түрде қарағанда, АҚШ-та азаматтар түрмеге көп отырады.
Швейцарияда мектеп мұғалімінің жылдық табысы 33 мың доллар шамасында.
Әйелдердің 90 пайызы универмагқа немесе сауда үйіне кірер сәтте бірден оң жаққа бұрылады екен.
Америкалықтар балалар тағамынан гөрі мысықтың тамағына ақшаны көп жұмсайтын көрінеді.
Біздің өмір бойы жеген тамағымыздың салмағы 27 тонна болады екен, ал бұл 7 пілдің салмағына тең.
Әлемде әрбір үшінші секундта дүниеге сәби келеді.
Өтірік айтып тұрған адамдардың көзі көбінесе жоғары-төмен қарайды екен.
Кубада жаңбыр тек түскі уақытта, ал Тайландта тек түнде жауады екен.
Әлемде адамдардың 0,7 пайызы кез-келген уақытта арақ ішіп жүреді екен.
Денесіне толық сурет салынған толған адам Шотландияның Скай қаласында тұрады. Оның терісінің 99 пайызына татуировка жасалған. Ол адамның екі жерінде ғана таңбаланған сурет жоқ. Аяғының байшпайларының арасында және құлағының ішіне ғана татуировка салынбай қалған .
«Жезді мұрт» Сталиннің бойының ұзындығы — 160 сантиметр болды. Сондықтан фотографтар оны көп жағдайда төменнен жоғары қарай түсірген. Сталиннің бір қолы екіншісінен сәл қысқалау болған. Осыған байланысты көп жағдайда ол бір қолын қалтасына салып немесе сигарет тартып тұратын болған. Сталин ғана емес, көптеген танымал тұлғалардың бойында осындай дене кемшіліктері болған. Мысалы, Бірінші Петрдің басының домалақ пішіні өте кішкентай болған. Ал Наполенның бойының ұзындығы -150 сантиметр ғана.
Ресейде тұңғыш рет айықтырғыш бөлмесі 1902 жылы Тула қаласында дәрігер Федор Архангельскийдің бастамасымен ашылған.
Бразилияда өткен әлем чемпионаты қымбат турнирлердің бірі болды. Оған 30 миллиард доллардай қаржы жұмсалған. Ал соңғы әлем чемпионатына Франция – 40 млн, Жапония – Оңтүстік Корея – 5 млрд, Германия – 6 млрд, Оңтүстік Африка – 4 миллиарда доллар жұмсаған.
Әлемдегі ең жылдам жүгіретін футболшылардың бірі – португалдық Криштиану Роналду. Ол сағатына 39,2 шақырым жүгіре алады.
Әлемнің әр елінде әйелдерге қарағанда, ерлер өз-өзіне көбірек қол жұмсайды. Кейбір елдерде, атап айтқанда, Ресей мен Бразилияда ерлер арасында өзін-өзі өлтіру өзге мемлекеттермен салыстырғанда 6 есе жоғары.
Жирафтың баласы туылғанда 1,5 метр биіктіктен құлап түседі.
Адам көзін ашып түшкіре алмайды екен.
Ұлудың қозғалыс жылдамдығы – 1,5 мм/секунд.
Әлемдегі 23 ұлт жылқыны киелі жануар деп есептейді. Соның бірі – қазақ халқы.
"Адырна " ұлттық порталы
