Кез келген министр қызығатын кабинет

327

Әлеуметтік желіде Шәкәрім атындағы Семей мемлекеттік университеті ректорының кабинеті қызу талқыға түсті, - деп хабарлайды "Адырна" ұлттық порталы.

Жеке торапты, демалыс, қабылдау және сөйлесу бөлмелерін қоса есептегенде кабинеттің жалпы ауданы шамамен 250 шаршы метр.

Хабарламада: "Кез келген әкім оған (кабинетке - ескерту) қызығады. Иә, тіпті министрлер қызығар еді. Экс-ректор пәтері болмаса да күн сайын осында түнейтін шығар? Қызметке деген мұндай адалдықты елестетудің өзі қиын. Қауесеттерге сенсек, бұл кеңседегі мүлікті алуға 3 күн керек болыпты. Егер мұндай қарапайым университетте осындай жағдай болса, басқа жоғары оқу орнынан не күтуге болады?", - делінген.

Ректор міндетін атқарушы Мұхтар Байжұманов "Литер" басылымына берген сұхбатында оның алдында осы қызметте болған адам керемет кабинетке иелік еткенін атап өтті.

"Мен мұны растаймын. Университетте тексеру жүргізіледі. Мен бұл кабинетті алмаймын. Бірінші басшыға 50 шаршы метр қажет. Ал бөлменің қалған бөлігі студенттер аудиториясына айналады", - деді ол.

Сондай-ақ, бүгінде университетте қаржы-шаруашылық қызметіне заңды бұзу дерегімен сыртқы аудит жүргізіліп жатқаны белгілі болды. Жоғары оқу орнында кейбір қызметкерлер Байжұмановтың жұмысына және аудиттің жүргізілуіне кедергі жасамақ болған.

Бұл факт бойынша Бас прокуратура мен ІІМ-ге шара қолдану және кінәлі тұлғаларды жауапкершілікке тарту үшін тиісті өтініштер жолданған екен.

"Адырна" ұлттық порталы

Пікірлер
Редакция таңдауы