IBF және IBO нұсқалары бойынша әлем чемпионы Геннадий Головкин (40-1-1, 35 КО) 18 желтоқсанда АҚШ-та өтетін поляк боксшысы Камил Шереметамен (21-0, 5 КО) жекпе-жегіне дайындығы туралы айтты, деп хабарлайды "Адырна" ұлттық порталы Sports.kz-ке сілтеме жасап.
Matchroom Boxing промоутерлік компаниясы мен DAZN стриминг сервисі аталған оқиғаны ресми түрде жариялады. Жекпе-жек Американың Флорида штатындағы Hard
Rock Hollywood казино-қонақүйінде өтеді.
— Бұл жай ғана жекпе-жек емес. Бұл айқастың үлкен мәні бар. Мен әрқашан барлық қарсыласыма үлкен құрметпен қараймын. Өзім шынымен боксты сағындым, осы жылы жекпе-жек өткізгім келді. Менің мақсатым – 21-ші рет әлем чемпионы атағын қорғау, - деді Головкин.
Новости по теме
Сурет fergana.agency
