Қызылорда облысының экс-әкімі 8 жылға дейін бас бостандығынан айырылуы мүмкін, деп хабарлайды «Адырна» ұлттық порталы «Astana TV» арнасына сілтеме жасап.
«Қомақты қаржы жымқырды» деп айыпталған Қуанышбек Ысқақовқа мемлекеттік айыптаушы осындай жаза талап етті.
Естеріңізге сала кетейік, өңірдің бұрынғы басшысы, сондай-ақ оның орынбасарлары Марат Делмұханов пен Мұрат Имандосов наурыз айында тұтқындалған еді. Оларға "Сыр мейірімі" қоғамдық әлеуметтік қорындағы 80 миллион теңгені иемденді деген айып тағылды. Күдіктілер Арыстағы қойма жарылысынан зардап шеккендерге бүкіл халық болып жинаған қаражатты жымқырған болып шықты. Тағылған айыптарды экс-әкім мойындамады. Сот үкімі екі күннен кейін шығуы тиіс.
«Адырна» ұлттық порталы
