2021 жылғы 8 қаңтарда «Ауыл» Халықтық-демократиялық патриоттық партиясы Алматы облысындағы «Байсерке-Агро» ЖШС-гі базасында «Ауыл – ел ырзығының иесі!» акциясымен өзінің сайлауалды науқанын аяқтады. Іс-шараға партия төрағасы Әли Бектаева, ҚР Парламенті Мәжілісі мен барлық деңгейдегі мәслихаттарға кандидаттар қатысты.
«Ауыл» партиясының төрағасы үгіт-насихат жұмыстарының қорытындысына тоқталып, осы іс-шараны өткізу орны мен форматын таңдау кездейсоқ емес екенін атап өтті, өйткені бағдарламалық платформаның басты бағыты АӨК-ті дамыту және ауылды жандандыру болып табылады.
Ол бір ай ішінде барлық өңірлерде толық ауқымды үгіт-насихат науқаны жүргізілгенін атап өтті. «Ауыл» партиясының үгіт жұмысы бір күнге де тоқтаған жоқ. Үгіт-насихат жұмысының алғашқы күнінен бастап республикалық және облыстық БАҚ-та жариялаумен 200-ден астам іс-шара өткізілді. Бекітілген медиа-жоспарға сәйкес өңірлерде ҚР Парламенті Мәжілісінің депутаттығына кандидаттардың қатысуымен тиісті деңгейде 300-ден астам іс-шара ұйымдастырылды.
6000-нан астам іс-шара облыстық және аудандық мәслихаттарға кандидаттардың қатысуымен республикалық және өңірлік бұқаралық ақпарат құралдарын тарта отырып ұйымдастырылды, оған «Ауыл» партиясынан депутаттыққа кандидаттардың кәсіпорындар ұжымдарымен кездесулері, кеңестер, дөңгелек үстелдер, флэшмобтар кірді. 20 желтоқсаннан бастап «Ауылдан Ауылға» республикалық акциясы басталды, оның мақсаты ең шалғай ауылдардың тұрғындарымен кездесу және оларға партияның сайлауалды бағдарламасын жеткізу. Осы уақыт ішінде барлық деңгейдегі депутаттыққа кандидаттар 2145 ауылға барды.
«Байсерке Агро» ЖШС базасында үгіт-насихат науқанының соңғы кезеңін өткізу «Ауыл» партиясының ауыл шаруашылығындағы жоғары инновацияларға мән беруімен түсіндіріледі. Дәл осы жерде Қазақстанда алғаш рет өнімділігі жоғары жануарларды ұстаудың оңтайлы жағдайлары жасалды, сүт сауу және өсімін молайту бойынша рекордтар орнатылды, отандық тұқымдарды селекциялаудың жаңа әдістері енгізілді. Қазақстанның көптеген фермерлеріне компанияның аграрлық ғылым саласындағы мемлекеттік-жекеменшік серіктестік жетістіктері әлі күнге дейін таң қалдырады.
Әли Бектаевтың пікірінше, Қазақстанның аграрлық державаға айналу процесін және тиімділігі жоғары АӨК-нің ауылдарды дамытуға әсер ету әсерін «Байсерке Агро» ЖШС-де көруге болады. Жыл сайын өсіп келе жатқан осы компанияның салық аударымдары бюджетті және онымен бірге мемлекеттің әлеуметтік міндеттемелерін орындау мүмкіндіктерін нығайтады.
Акция аясында үгіт-насихат тобы шаруашылықпен танысып, жергілікті тұрғындармен кездесумен қатар, арнайы көрмені тамашалады, онда ауыл шаруашылығының жетістіктерін өз көздерімен көрді. Кандидаттар жұмыстың жоғары деңгейде ұйымдастырылғанын, әрбір қызметкердің осы шаруашылықтағы кәсібилігін атап өтіп, әрбір шаруашылықтың өз жұмысында осындай нәтижелерге қол жеткізуін тіледі.
«Ауыл» даусы естілуі тиіс» үндеуін қолдау мақсатында іс-шара Арқабай кентінің аумағынан әуе шарын ұшырумен аяқталды. Осылайша, кандидаттар «Ауыл» партиясы ҚР Парламентінен лайықты орын алып, Қазақстанның әрбір ауылы да аталмыш ауыл сияқты бақуатты және тартымды болуына қол жеткізетініне сенім білдірді.
Мақалаға қаражат «Ауыл» Халықтық-Демократиялық
патроиттық партиясының
сайлау қорының қаражатынан төленді
