АҚШ-тың федеральді тергеу бюросы әйгілі Стив Джобсқа қатысты ақпаратты жариялады

2229
Adyrna.kz Telegram
Әйгілі Стив Джобс Үлкен Джордж Буш әкімшілігінің эксперт-консультанты болып жұмыс жасағанын АҚШ-тың федеральді тергеу бюросы жариялады. ФБР мәліметінде Стив Джобстың жұмыс барысындағы мінез-құлқы жайында айтылыпты.
Адамдармен қарым-қатынас кезінде Джобс өте агрессивті болыпты. Өзінің дегенінен қайтпайтын бірбеткей, қызметтегі адамдармен мінезі сыйыспайтын, адам баласына бағынбайтын әдеті болған. Қол астындағы қызметкерлерге дегенін жасатпай қойматын болған екен. Джобстың индивидуальді мінезіне осындай мәлімет берген ФБР.
Стив Джобс технология әлеміне алғаш келген кездерінде де наркотикалық өнімдергі тәуелді болып, жындының күй кешіп, қаңғырып кеткен. Үндістанға барып емделіп, адам болып қайтқан.
Жалпы шексіз дарынды адамдардың табиғатында болатын бұл таң қалатын жағдай емес деп ойлаймын. Себебі ғарыштан берілетін ақпарат пен мидың потенциалы мұндай адамдарды өз-өзіне сыйдырмай, тығырыққа тіреп тастайды. Сондықтан ұлы миссия алдында жанының қалауының бәрін орындауға талпынады.
Стив Джобстың психологтар мен жан ғылымын зерттеп жүрген адамға түсініксіз өте жұмбақ жақтары көп болған. Әлемді өзгерткен бұл өзгеше адамның өмірі әлі талай ғылыми зерттеулерге, диссертацияларға дайын зерттеу материалы болатыны сөзсіз.
Бекболат ҚАРЖАН,
"Адырна" ұлттық порталы
Пікірлер