АҚШ-тың Ресейге қарсы экономикалық санкциясы
Байден - Путин текетіресі неге соқтыруы мүмкін?
18.03.2021 жыл.
Бүгін Ақ Үйде Ресейдің "Солтүстік ағын-2" ғасырлық жобасына қарсы кезекті санкция жарияланды.
Осының алдында ғана Байден мен Путиннің өзара текетіресі болды. Байден "Путин кім?" деген сұраққа: "Ол қанішер!" деп жауап берді. Артынша Путиннің де Ақ Үйге жауабы қайтарылды. Бірақ Путин осы жолы моралист болып кетті.
Бүгін Ресейге қарсы экономикалық санкция жарияланды. Оны Bloomberg таратты. Бұл жағдайдан кейін ұзамай-ақ Nord Stream 2 AG инженерлік құбыр жүргізу жұмысы тоқтады.
Сонымен қатар бүгін Балтық теңізінде бірнеше компания жұмысын тоқтатып тастады. Еуропалық БАҚ-тар АҚШ-тың бұл әрекетін шешуші сәт екенін айтады.
АҚШ-тың мемлекеттік департаменті "Солтүстік ағын-2" жобаына қатысқан кез келген халықаралық компания санкцияға ілінетінін ашық ескертті. Мұны АҚШ-тың мемлекеттік хатшысы Энтони Блинкен мәлімдеді.
Бекболат ҚАРЖАН,
"Адырна" ұлттық порталы
