АҚШ Ресей азаматтарына виза бермейді

3482
Adyrna.kz Telegram

Мәскеудегі АҚШ елшілігі виза беруді тоқтатып, консулдық қызметтердің тізімін қысқартады, деп хабарлайды "Адырна" ұлттық порталы.

Дипломатиялық миссия 12 мамырдан бастап елшілік тек американдықтар үшін жұмыс істей бастайтынын айтты. Бұл ретте жедел иммиграциялық визалардың шектеулі саны ғана олардың мерзімі аяқталған жағдайда, сондай-ақ өмірге немесе өлімге қауіп төнген жағдайларда ғана беріледі.

Басқа елдердің азаматтарына консулдық қызметтер көрсетілмейді: ресейліктер иммиграциялық емес және дипломатиялық емес сипаттағы виза беруді де тоқтатады. Ерекшелік - шұғыл жағдайларда ғана. Сонымен қатар, жақын арада Мәскеудегі елшілік қарапайым нотариаттық қызметпен айналыспайды, туу туралы құжаттарды шетелде бермейді немесе төлқұжатын жаңартпайды.

"Елшіліктің хабарлауынша, бұл өзгерістер Ресей билігінің дипломатиялық миссияға америкалық емес азаматтарды жалдауға тыйым салу туралы шешімімен байланысты. Ресей үкіметінің мұндай шектеулері дипломатиялық өкілдікті өз қызметкерлерін 75 пайызға қысқартуға мәжбүр етті", делінген хабарламада.

Сонымен қоса, дипломаттар америкалықтарға шұғыл көмек көрсету дипломатиялық миссия қызметкерлерінің қала сыртына шығуына шектеулерге байланысты кейінге қалдырылуы мүмкін екенін атап өтті. Ресейде жүрген, визасының мерзімі біткен АҚШ азаматтарына 15 маусымға дейін елден кетуге қатаң кеңес берілді.

"Адырна" ұлттық порталы

(фото ашық дереккөзден)

 

Пікірлер