2020 жылы Қытай халқы бір жылдағыдан 0,83% өсіп, 1,41178 млрд адамға жетті. 2010 жылмен салыстырғанда елдегі халық саны 72 миллионға өсті, деп хабарлайды "Адырна" ұлттық порталы ҚХР Мемлекеттік статистика басқармасына сілтеме жасап.
ҚХР тарихындағы жетінші халық санағы 2020 жылдың 1 қарашасынан 10 желтоқсанына дейін өтті.
Санақ бойынша Қытайда шамамен 723,34 миллион ер адам және 688,44 миллион әйел бар.
Халықтың шамамен 63,35% -ы 15-тен 59 жасқа дейінгі адамдар, шамамен 18,7% -ы 60-тан жоғары, тағы 17,95% -ы 14 жасқа дейінгі адамдар.
Қытайдағы қала тұрғындарының үлесі 63,89% құрады. Бұл 2010 жылмен салыстырғанда 14,21% артық. Ел тұрғындарының көп бөлігі - 91,11% - хань (қытайлар) өкілдеріне тиесілі. Ұлттық азшылықтардың үлесі 8,89% құрайды.
Санақ деректері бойынша халықтың орташа жылдық өсу қарқыны 0,53% құрады. Бұл көрсеткіш 2000-2010 жылдармен салыстырғанда 0,04% төмендеді.
"Адырна" ұлттық порталы
