Ақтөбе қаласында жол-көлік оқиғасынан үш адам көз жұмды деп хабарлайды "Адырна" ұлттық порталының тілшісі.
8 маусым күні түстен кейін сағат 16.00-де "ВАЗ 2110" маркалы автокөлігінің 55 жастағы жүргізушісі К.Нокин даңғылы мен Шернияз көшесінің қиылысында екінші кезектегі жолдан шығу кезінде басты жолға жақындаған көлікке жол бермей, "ЗИЛ 130"маркалы жүк көлігімен соқтығысқан.
Жол-көлік оқиғасы салдарынан "ВАЗ-2110" автокөлігінің жүргізушісі мен екі жолаушы (19 жастағы қыз бен 62 жастағы әйел) оқиға орнында көз жұмды. Сонымен қатар, тағы екі жолаушы мен 1 жастағы бала дене жарақатын алып, медициналық мекемеге жеткізілді.
"Адырна" ұлттық порталы.
