Алматыда қойма өртенді

2451
Adyrna.kz Telegram

Бүгін таңда Алматы қаласында тауарлар мен материалдар сақталатын қойма өртенді деп хабарлайды "Адырна" ұлттық порталы.

Бүгін таңғы сағат 4:44-те Алматының төтенше жағдайлар департаментінің 101 пультіне Жетісу ауданындағы солтүстік айналма жолы, 87 "Г" мекен жайында орналасқан қоймалардың бірінің өртенгені туралы хабарлама келіп түскен.

Өрттің басқа да қоймаларды шарпу қаупі болып,  дереу төтенше жағдайлар департаментінің штабы құрылды.

Нәтижесінде техникалардың сумен үздіксіз жабдықтауы қамтамасыз етіліп, өртті сөндіруге авиация жұмылдырылды.

Өртке 81 қызметкер мен 24 техника тартылып, таңғы сағат 7:44-те сөндірілді.

"Адырна" ұлттық порталы.

 

Пікірлер