Кубада жаппай наразылықтар басталды. Демонстранттар "еркін сайлауды" және әлеуметтік мәселелерді шешуді талап етуде, деп хабарлайды «Адырна» тілшісі.
Митингке мыңдаған адам қатысып жатыр. Халық Гавана, Пальма Сориан, Сантьяго-Де-Куба, Сан-Антонио-де-лос-Баниос көшелеріне шықты. Бірқатар қалаларда тәртіпсіздіктер орын алып, дүкендер қираған.
Diario de Cuba басылымының хабарлауынша, негізгі шағымдар тамақ, дәрі-дәрмек және барлық қажетті заттардың жетіспеуінен туындап отыр.
Айта кетейік, ел Президенті Мигель Диас-Канель телекөпір барысында кубалықтарды арандатуларға қарсы тұруға шақырды.
«Адырна» ұлттық порталы
