جەكسەنبىدە كابۋل اۋەجايىنان ۇشۋعا ءتيىستى بارلىق كوممەرتسيالىق رەيس توقتاتىلدى. اەرودرومدى تەك اسكەري ۇشاقتار پايدالانادى، دەپ حابارلايدى «ادىرنا» ءتىلشىسى.
كۋاگەرلەردىڭ ايتۋىنشا، دەمالىس كۇنى اۋەجايدا حاوس باستالىپ، جولاۋشىلاردىڭ ءبىر بولىگى اۋەجايدان شىعۋعا تىرىسسا، ەندى ءبىر بولىگى قونۋ الاڭىنا قاراي قاشقان.
«پاسپورتتىق باقىلاۋ كابينالارىندا ەشكىم بولعان جوق، ادامدار وتەتىن تۋرنيكەتتەردى سىندىرىپ كىردى. حالىق ەلدەن كەتۋ ءۇشىن سوڭعى ۇشاققا قاراي جۇگىردى. دەسە دە، ول شەنەۋنىكتەرگە تولى بولدى. ۇلگەرە المادىق»،– دەيدى اۋعانستان ازاماتشاسى.
ايتا كەتەيىك، 15 تامىزدا تالىپتەر كابۋل قالاسىن باسىپ العان ەدى. قازىرگى تاڭدا ەلدىڭ بارلىق دەرلىك اۋماعى سودىرلاردىڭ باقىلاۋىنا الىندى.
«ادىرنا» ۇلتتىق پورتالى
