Елдегі билікті басып алған (Ресей Федерациясы мен Татарстан Республикасында тыйым салынған) радикалды «Талибан» қозғалысына қарсы тұратын Ауғанстан ұлттық қарсыласу майданының жетекшісі Ахмад Масуд қазір Тәжікстан аумағында. Бұл туралы дүйсенбі күні полиция өкілі, солтүстіктегі Панджшир провинциясы губернаторының бұрынғы орынбасары Кабир Васик ТАСС тілшісіне берген сұхбатында мәлімдеді, деп хабарлайды "Адырна" ұлттық порталы.
«Ахмад Масуд қазір Тәжікстанда, бірақ кейде Ауғанстанға барып, елдің әртүрлі аймақтарындағы қарсыласу жасақтарымен кездесіп тұрады», - деді полиция өкілі.
Оның айтуынша, Масуд қазір тәліптер содырларына қарсы тұру үшін әртүрлі мемлекеттердің қолдауын алуға тырысуда. «Масуд аймақ елдерін және жалпы халықаралық қауымдастықты Талибанмен күресу қажеттілігіне сендіруге тырысады. Ол (Ұлттық қарсыласу майданына) назар аудару және қолдау алу үшін әртүрлі елдерге баруда», - деді Васик.
Панджшир губернаторының бұрынғы орынбасары Тәжікстанмен жақсы қарым-қатынаста екенін, ол «Талибанға қарсы күресте ауған халқына әрқашан қомақты көмек көрсеткенін және қазір де көмектесіп жатқанын» атап өтті.
29 қазанда тәжікстандық бірнеше БАҚ Душанбеде фронт-офис ашылғаны туралы хабарлады. Кейін Тәжікстан Сыртқы істер министрлігі Душанбеде Ауғанстанның қарсыласу кеңсесінің ашылуы туралы ақпарат құралдарында пайда болған жаңалыққа қатысты пікір білдірді.
Дипломатиялық өкілдік Тәжікстан астанасында Ауғанстанның ұлттық қарсыласу майданының кеңсесінің ашылғаны туралы еш хабарымыз жоқ, деп жауап берді.
"Адырна" ұлттық порталы
