Түркістан облысында адам өліміне әкелген жол-көлік оқиғасы тіркелді, деп хабарлайды "Адырна" ұлттық порталы.
Жол апаты салдарынан жеті адам қаза тапты.
Алдын ала мәліметке сәйкес, қайғылы оқиға Шаян – Екпінді автожолында болған. Toyota Camry және Volkswagen Passat маркалы екі жеңіл көлік бетпе-бет соқтығысқан. Салдарынан екі көліктегі жеті адам оқиға орнында көз жұмды.
Түркістан облысы полиция департаментінің хабарлауынша, аталған дерек бойынша сотқа дейінгі тергеу басталды. Қазір жол апатының себептері мен мән-жайын анықтауға бағытталған қажетті тергеу әрекеттері жүргізіліп жатыр.
Полиция департаменті жүргізушілерге жол қозғалысы ережелерін қатаң сақтауды, жылдамдықты жол жағдайына қарай таңдауды және көлік құралын басқару кезінде барынша мұқият болуды ескертті.
