Фото: report.az
Бакуде Түркі әлемі композиторлары одағының (Turkic Union of Composers — TUC) алғашқы съезі өтті. Жиын барысында Әзербайжан, Қазақстан, Қырғызстан, Түркия, Өзбекстан, Түркіменстан және Венгрияның жетекші музыкалық ұйымдарының өкілдері жаңа халықаралық шығармашылық бірлестік құру туралы келісімге келді. Бұл туралы Report.az жазды, деп хабарлайды "Адырна".
Съезд аясында тараптар Баку декларациясына қол қойды. Құжат түркі елдерінің композиторлары, музыкатанушылары, консерваториялары, музыкалық академиялары мен шығармашылық одақтары арасындағы тұрақты кәсіби ынтымақтастықты дамытуға бағытталған.
Жаңа одақтың құрылуы түркі мемлекеттеріндегі композиторлар арасындағы байланысты бір арнаға тоғыстырып, халықаралық деңгейдегі тұрақты кәсіби әріптестікке жол ашпақ. TUC аясында шығармашылық тәжірибе алмасу, музыкалық зерттеулерді дамыту және кәсіби байланыстарды нығайту бағытындағы жұмыстарды жүйелеу көзделеді.
Түркі әлемі композиторлары одағының Әзербайжанда құрылуының да өзіндік символдық мәні бар. Бұл ел әлемдік музыка мәдениетіне көрнекті композиторлар Узеир Гаджибейли, Гара Гараев, Фикрет Амиров секілді тұлғаларды сыйлаған және бай музыкалық дәстүрімен ерекшеленеді.
Жаңа ұйым түркі халықтарының музыкалық мұрасын насихаттау мен қазіргі композиторлық өнерді дамытуға бағытталған халықаралық кәсіби алаң ретінде қалыптасуы мүмкін.
