Қаржылық экстремизм және Қазақстанда тыйым салынған ұйымның жұмысына араласты деген айыппен 7 жылға сотталған журналист Думан Мұхамедкәрім этаппен Қызылорда облысына жіберілгені анықталды, деп хабарлайды "Адырна" ұлттық порталы KursivMedia-ға сілтеп.
Адвокат Ғалым Нұрпейісовтың айтуынша, журналист Талдықорғандағы тергеу изоляторынан Қызылорда облысына жіберілген. Алайда жазасын нақты қай мекемеде өтейтіні туралы мәлімет ала алмай отырғанын айтады.
«№ 71 мекемеде (Талдықорған қаласының тергеу изоляторы) құқықтық тәртіпті сақтау мақсатында сотталған адам (Думан Мұхамедкәрім) сот үкіміне сәйкес жазасын одан әрі өтеу үшін ҚАЖ мекемесіне жіберілді», – делінген ІІМ жауабында.Алайда журналистің нақты қай мекемеге түскені туралы сауалға жауап келмеді. Тек оны этаппен жіберу туралы шешімге прокурор келісімі болғаны расталды.
Новости по теме
