Шымкентте кісі қолынан қаза тапқан Нұрай Серікбайдың өліміне қатысты іс бойынша сараптама нәтижелері дайын болды. Бұл туралы бүгін, 30 сәуірде Сенат кулуарында Ішкі істер вице-министрі Санжар Әділов айтты, деп хабарлайды «Адырна» тілшісі.
«Қазіргі уақытта тергеу әрекеттері аяқталуға жақын. Тергеушінің тағайындауымен сот-психиатриялық сараптама жүргіздік. Қазір оның нәтижелері алынды. Айыпталушы заң алдында ақыл-есі дұрыс тұлға ретінде жауап береді», – деді вице-министр.
Бұған дейін 21 жастағы бойжеткенді өлтірді деген күдіктінің мәжбүрлі психиатриялық емдеуге жіберілгені айтылған еді.
Еске салайық, Нұрай Серікбай 11 қаңтарда пышақ жарақатынан қаза болған еді.
