АҚШ президенті Дональд Трамп Иранмен келіссөз жүргізгісі келмейтінін айтты, деп хабарлайды «Адырна» тілшісі.
«Иранмен жасалатын келісімге келсек, мен үшін бұл мәселе жабылды. Олармен енді ешқандай байланысым болғанын қаламаймын», – деді Ақ үй басшысы 8 шілде күні Анкарада өткен НАТО-ға мүше мемлекеттер басшыларының 36-саммитінің негізгі отырысы алдында.
Америка көшбасшысы Иранмен бұдан былай келіссөз жүргізуге ниетті емес екенін де атап өтті.
«Меніңше, бұл мәселе аяқталды. Шынын айтсам, олармен мүлде байланыс жасағым келмейді. Олар – аянышты, төмен деңгейдегі адамдар. Менің не айтқым келгенін түсініп тұрсыз ғой? Бұл – ауру адамдар. Оларды қатыгез, зорлық-зомбылыққа бейім адамдар басқарады. Егер олардың қолында ядролық қару болса, оны міндетті түрде қолданар еді. Сондықтан, менің ойымша, бұл мәселе түбегейлі жабылды», – деді Дональд Трамп журналистердің сұрақтарына жауап бере отырып.
Сонымен қатар АҚШ президенті америкалық келіссөз жүргізушілермен кездесетінін айтты.
«Меніңше, олармен жұмыс істеу – уақытты босқа жоғалту. Олар өтірік айтады. Біз келісім жасай аламыз, ал егер келісімге қол қойсақ, онда ол күшінде болады», – деп қосты Ақ үй басшысы.
