Семейде 5 қабатты тұрғын үйден өрт шығып, құтқарушылар 15 адамды эвакуациялады. Одан бөлек газ баллоны шығарылды, деп хабарлайды “Адырна” ұлттық порталы ТЖД баспасөз қызметіне сілтеме жасап.
«2 ақпанда сағат 18.10-да өрт сөндіру қызметіне 410-блокта өрт шыққаны туралы хабарлама түсті. Құтқарушылар бес қабатты тұрғын үйден баспалдақ арқылы 15 адамды, оның ішінде үш баланы эвакуациялады, сонымен қатар бір газ баллонын шығарды», - делінген хабарламада. Балкондағы тұрмыстық заттар, терезе және есік блоктары 6 шаршы метр аумақта жанып кеткен. Өртті сөндіруге жеке құрамның 16 адамы мен 5 техника жұмылдырылды. Құрбандар мен зардап шеккендер жоқ.“Адырна” ұлттық порталы
